ޤައުމީ ދުވަހުގެ މުނާސަބަތުގައި، މާދަމާ ޖުމްހޫރީ މައިދާނުގައި ބާއްވަވާ ޚާއްޞަ އިޙްތިފާލުގައި، ރައީސުލްޖުމްހޫރިއްޔާ މުޙަންމަދު ނަޝީދު، ދިވެހި ޤައުމާ މުޚާޠަބު ކުރައްވައި، ވާހަކަފުޅު ދައްކަވާނެއެވެ. މި އިޙްތިފާލު ފެށޭނީ، ފަތިހު 5.50 ގައެވެ. މި އިޙްތިފާލުގައި، ޖުމްހޫރީ މައިދާނުގައި ހުރި ކޯއްޓޭއަށް ޤައުމީ ދިދަ ނެގުން އޮންނާނެއެވެ. އަދި ޤައުމީ ދުވަހުގެ މުނާސަބަތުގައި ޚާއްޞަ ދުޢާއެއް ކުރެއްވުން އޮންނާނެއެވެ. މި އިޙްތިފާލު ނިމޭނީ، ޤައުމީ ސަލާމުންނެވެ.
