"ސައުތު ސެންޓްރަލް ހެލްތު ސަރވިސަސް ކޯޕަރޭޝަން ލިމިޓެޑު"ގެ ޑިރެކްޓަރުންގެ ބޯޑު، ރައީސުލްޖުމްހޫރިއްޔާ އެކުލަވައިލައްވައިފިއެވެ. ބޯޑުގެ ޗެއަރޕަރސަނަކަށް ހަމަޖައްސަވާފައިވަނީ، ކޮޅުމަޑުލު ގުރައިދޫ މެދުގޭ ޑޮކްޓަރ މޫސާމަނިކު އިބްރާހީމެވެ. ބޯޑުގައި ހިމެނިވަޑައިގަންނަވާ އެހެން މެންބަރުންނަކީ، ހެންވޭރު އަލިނަރުވިލާ ޙުސައިން ޝާހިދާއި، ހައްދުންމަތީ ގަމު ސޯސަންވިލާ ޢަބްދުﷲ ޝަރީފާއި، ކޮޅުމަޑުލު ވޭމަންޑޫ ފިނިފެންމާގޭ ހުދާ ރަޝީދާއި، ހައްދުންމަތީ ގަމު މޯނިންގސަން މުޙަންމަދު ޒާހިރާއި، ކޮޅުމަޑުލު ތިމަރަފުށީ އައްސޭރި ޢަލީ ޙުސައިންފުޅެވެ.