އަލްޙާފިޡާ މަރްޔަމް ނައިސަން ސަޢީދު
ކީރިތި ޤުރްއާން ހިތުދަސްކުރުމުގެ ޝައުޤުވެރިކަން ފުރަތަމަ އުފެދުނީ، ކީރިތި ޤުރްއާނާބެހޭ ޤައުމީ މަރުކަޒުން ތަޢާރުފުކުރި 500 ޙާފިޡުން ތަމްރީނު ކުރުމުގެ ޕުރޮގްރާމުގައި އުމުރުން 8 އަހަރުގައި ބައިވެރިވުމުގެ ފުރުސަތު ލިބުމުންނެވެ. މިގޮތުން، ކޮންމެ ދުވަހަކު ފަތިސްނަމާދަށްފަހު، ކީރިތި ޤުރްއާނުގެ އެއް ޞަފްޙާ ދަސްކުރަމުން ގެންދިޔައެވެ. އުމުރުން 9 އަހަރުގައި، ޢާއިލާ އިންޑިޔާއަށް ބަދަލުވުމާ ގުޅިގެން، އިންޑިޔާގައި ހުރެގެން، އުމުރުން 13 އަހަރުގައި ޤުރްއާން ހިތުދަސްކުރުމުގެ ފުރަތަމަ މަރްޙަލާ ފުރިހަމަކުރިއެވެ. 2018 ވަނަ އަހަރު މާލެއަށް ބަދަލުވެ، 2019 ވަނަ އަހަރުގެ ފަހުކޮޅު ކީރިތި ޤުރްއާނާބެހޭ ޤައުމީ މަރުކަޒުގެ މުރާޖަޢާ ކުލާހުގައި ބައިވެރިވެގެން މުރާޖަޢާ ކުރުމުގެ މަސައްކަތް ކުރިއަށް ގެންގޮސް، ޙިފްޡު ކޮމިޓީއަށް ކިޔައިދޭން ފެށީ 2022 ވަނަ އަހަރުގެ މޭ މަހުގެ ތެރޭގައެވެ. ޙާފިޡް ކަމުގެ ސަނަދު ހާސިލުކުރީ 11 ސެޕްޓެންބަރު 2022 ގައެވެ.
