އަލްޙާފިޡް ޢައްމާރް ބިން އިބްރާހީމް
ކީރިތި ޤުރްއާން ހިތުދަސްކުރީ، އެންމެ ކުޑައިރުއްސުރެ ފެށިގެން އުޅެބޮޑުވި ނ. ވެލިދޫ އަތަމާގޭގައި ހިންގާ މަންހަލުލް ޤުރްއާނުގެ އެންމެ އިސް ހިންގުންތެރިން ކަމުގައިވާ ޢައްމާރުގެ ލޮބުވެތި މަންމައާއި ބައްޕަގެ މިންނެތް މަސައްކަތުންނެވެ. އުމުރުން 4 އަހަރުން ފެށިގެން މަންމައާއެކު ޤުރްއާން ކިޔަވަމުން ގެންދިޔައިރު، ބައްޕައާއެކު މިސްކިތުގައި ކޮންމެ ދުވަހަކު ހެނދުނާއި ރޭގަނޑު ކީރިތި ޤުރްއާން ހިތުދަސްކުރަމުން ގެންދިޔައެވެ. އަދި ހިތުދަސްކުރަމުން ގެންދިޔައިރު، މުރާޖަޢާ ކުރަމުންވެސް ގެންދިޔައެވެ. މާތްﷲގެ ވާގިފުޅާއެކު، ވަރަށް ޅަ އުމުރެއްގައި ކީރިތި ޤުރްއާން ހިތުދަސްކޮށް ނިމި، ޙިފްޡު މުރާޖަޢާ ކުރަމުން ގެންދިޔަ މަރްޙަލާގައި، މަންހަލުލްޤުރްއާނުގެ އެދުމުގެ މަތީން، ވެލިދޫގެ މިސްކިތެއްގައި، ރަމަޟާންމަހު އިމާމުވެ ތަރާވީޙު ނަމާދުކޮށް، ތަރާވީޙު ނަމާދުގައި، ޤުރްއާން ޚަތިމު ކުރިއެވެ. އެ މަރްޙަލާގައި ކީރިތި ޤުރްއާނާބެހޭ ޤައުމީ މަރުކަޒުގެ ބައެއް އެދުރުންނާއި، ވެލިދޫ ކައުންސިލުގެ އެހީތެރިކަން ލިބިފައިވެއެވެ. ޢައްމާރް، ޙާފިޡް ކަމުގެ ސަނަދު ހާސިލުކުރީ 6 ސެޕްޓެންބަރު 2022 ގައެވެ.